تريتك على مقعد حديقة لهفة الأشواق
احاول اخلق الفكرة واجاريها بأوزاني
رسم لك جسمي المغرم بأشواقه على الاوراق
قصيدة قالها شاعر ولونها بألحاني
تمنيتك تجي جنبي وتعرف حالة المشتاق
دواي انته ومن يقدر يداوي علّة احزاني
طبيب الحب ياعمري لزومن يكشف الاعماق
يحاول قد مايقدر يعالج كل ما جاني
انا مابي حياتي يحتويها لا كذب ونفاق
انا ابغي تنسيني زمانن فيك ابكاني
حبيبي خذ بإيدي وابتعد لآخر فضا الآفاق
وطيرني على كيفك وحرّك مصّدر اشجاني
انا ماجيت انقل لك كلامن من هوى العشّاق
انا جيتك ضمى عاشق وقلبي فيك اوصاني
ألا يا ليلي المضوي ألا يا نجمي البرّاق
سكنتك وانت ماتدري وحبك زيّد اجناني
انا اكتب ومدري وش ابا اكتب على الاوراق
ترى وقتي من الضيقة تركني فيك واعماني
تعال وزيد بي حبك وطفي شوقي الحرّاق
تعال وأشعل الشمعه ونرحل عالمن ثاني
فديتك عجّل اشويه انا مقدر على الافراق
ترى والله العظيم انك بقايا نصفي الثاني
انا توّي على مقعد حديقة لهفة الأشواق
اناظر فالسما وادعي تجيني الحين تلقاني